of 12
All materials on our website are shared by users. If you have any questions about copyright issues, please report us to resolve them. We are always happy to assist you.

Regd. No. RNI. NAGAAO/ 2004 / Postal-NE/RN

Category:

Book

Publish on:

Views: 40 | Pages: 12

Extension: PDF | Download: 0

Share
Description
TAPAK 9 Regd. No. RNI. NAGAAO/ 2004 / Postal-NE/RN PM Modi-i jembiba aser inyakba na meputeper: Mayawati TAPAK 7 Arishi küm 74 tain Tobe Hooper
Transcript
TAPAK 9 Regd. No. RNI. NAGAAO/ 2004 / Postal-NE/RN PM Modi-i jembiba aser inyakba na meputeper: Mayawati TAPAK 7 Arishi küm 74 tain Tobe Hooper süogo VOL. XIV NO. 312 (ADOK 312) DIMAPUR TUESDAY AUGUST 29, 2017 ` 5.00 ACAUT Nagaland-i NPF P&IC dang langzür Dimapur, August 28 (TYO): ACAUT Nagaland-i Shurhozolie'er telok pusemer ta NPF Press & Information Cell (T.R/Rio)-i tai tongloktsüba medentsüsa kuli kecha mali aser tamagitsü lir, ta tanü Media Cell sangdong ka nung Dr. Shurhozelie-i Chief Minister inyakdang ACAUT Nagaland-i pa dang pai backdoor appointment ajungmesoa züluba shidi ka atema pa nem tasüngdangba agütsüogo, ta sangdong nungsa shia lir. ACAUT Nagaland-i tesüiba küm tsüngda backdoor appointment, MNREGA, PDS Scams, totzü meyoktepba, lenmang aser aputem majungba, terenlok mapa inyaktsü atema sen crore aika tim mesüi amshiba amala ochimashi onüktem atema ola adokba nung ajak densema lir, anungji Chief Minister T.R. NAGALAND TARUTSÜ TAJUNG KA ATEMA NÜ INDANG SENTI ASER SHITAKBA VOTE AGINÜR Zeliang dak dang tenük yoka inyaker ta onok aitsüba nung medentsüsa kuli kecha mali aser nübortemi ibaji mamanger, ta Media Cell-isa August 25 nü All Nagaland Public Rally nung adener nisung 65,000 dak temai tesüiba küm ishika sorkar ketdangsübaren nung tim mesüi aruba anema ola adokba aser bangzüng renemogo. Anungji, Angh-i nübortem atema inyaker süra, nübortem tejashi aser taginüba angateta mapa inyaktsüla, Anungji, NPF P&IC (T.R/ Rio)-i ACAUT Nagaland dak tai metongloktsüi OSD, FD den ajurutepa pai T.R. Zeliang indang tenüng tetshi asü metetshiar metettsü merangang. ACAUT-ibo OSD, FD-i kechi ashi, iba nungji ajemdaker dang osang lemsatepogo, ta Media Cell-isa ACAUT indang osang tai adok: Neiphiu Rio Dimapur, August 28 (TYO): Osangkakettem nung NPF (Rio)- i ACAUT aitsür ta adokbaji nübortem dang osang tai sangoktsüba lir, ta NPF tir Neiphiu Rio-i tanü sangdong ka nung Sorkari ochishia mapa inyaktsü aser nübortem tenzüktsü ta NPF party indang manifesto nung tenangzükba agia aliba nung ni pusema nungiter. Ni ochimashi pusema menungiter mesüra ni ochimashi kümzüka ayutsü atema inyaker masü. Ni Chief Minister aser DAN sorkar dang nübortemi adokba ola angashitsü aser item tebilemtsütem ajanga sorkar tim metemdaktsütsü atema mepishir ta Rio-isa sangdong nung Tesüiba kümtem nung department aika nung nisung talila shimoka lir. Ano, sorkari telemtetba agibatemji public-i nungshiba aser akhangba nunga agia lir. Anungji, asenok ajak külemi iba khuret koktettsü atema tebilemba lemsatepa mapa inyaktsüla, ta paisa shisem. Nübortem aser sorkar külemi teka amteper khurettem kokteta aotsü indang tangatetba alitsü ta ni imlar. Maneni media danga osang tai meproktsü atema ni mepishir, ta Rio-isa August 27, 2017 nü Rongpangmen Baptist Arogo nung Ao Baptist Church Diphupar Arogo pastor Lipok Jamir aser Rongpangmen Baptist Arogo pastor K.Meren Jamir nati ABAM Clean Election Campaign indang wako saladang agiba noksa angur. Iba sentong nung ABCD pastor Lipok-i election merüka agitsü aser iba dak sendakba onüktem lemsatep. ABAM Clean Election wako ya Kibuba Ozüng Süngden ama lir aser iba ajanga ABAM Clean Election takok angutsü atema len anitsü ta pastor Lipok-isa Yihusua 6 nung ajemdaker tayongzükba agütsü. Gurmeet Ram Rahim küm 20 tepuokdak ayutsü Rohtak nung aliba Sunariya Jail anasa Hombarnü Gurmeet Ram Rahim Singh atema okatsür S. K. Garg Narwana-i osangbener den jembidang agiba noksa angur. Rohtak, August 28 (Agencies): Pei sasa tsüngrem nisung ta ajar Gurmeet Ram Rahim Singh küm 20 tepuokdak ayutsü atema Hombarnü CBI special court-i temerenshi agütsüogo. Tashiyim agi tetsür ana den shi nung medemba ken o tem nung aija okadaki iba temerenshi agütsür. Punjab and Haryana High Court-i tuyuba ama Ram Rahim puoka aliba jail nung special courtroom ka yanglu aser idakji pa küm 20 puoka ayutsü temerenshiji agütsü. Iba obendang anema Ram Rahim Singh'er okatsürtemi temaba okadak ka nung ken o benoktsü. Tanü Rohtak jail nung Ram Rahim-i apudaka special CBI judge Jagdeep Singh dang taochi meshia tadok meshi. Iba sülen pai 'nisung kari ni kümzükang' ta ola adoka okadak nungi aotsü memulung. CBI judge Jagdeep Singh-i NPF Central-i maneni okadak raratsü; Rio & Zeliang nati NPF raksatsü Kohima, August 28 (Agencies): Naga People's Front (NPF) Central-i party anema nokdakba MLA tem aser ano Lok Sabha MP Neiphiu Rio Tir sür NPF Party tentetba anema okadak ken o benoka aliba atema maneni raratsü. Onoki ozüng dak amanger kechiyong onok ket nung kuli aser tezülubatem lir aser maneni okadak raratsü ta Central Office nung NPF Central otongdar, Achumbemo Kikon-i Tang NPF-i tamaitsü noksa amshiba antebong ya 1964 küm mezüng Democratic Party of Nagaland (DPN)-i amshi aser iba ya Naga nunger taginüba sayutsü ken o anaprong nung küm 10 tepuokdak ayutsü aser sen lakh 15 senchi agütsütsü oshidang agütsü. Senchi nungi lakh terpezüzü tetsür ana nem teyari agütsütsü atemasa pai tetuyuba agütsü. Tanü okadak Ram Rahim-i tatemtsü atema pa temang majung ta ashi saka chief medical officer-i pa temang tendanga reprangdang shitak dang liasü. Dera 'guru' Ram Rahim-i pa sülen anidaker tetsür ana dak tashiyim agi shi nung medem ta aitsüba sülen pa sülen anidakertemi Haryana tesem balala nung lungkak ait aser idangji nisung 38 tashi asü aser 250 shi yiru. Tesüiba anogo ishika Dera Sacha Sauda züngsemtemi state ana- Punjab o Haryana nung mepetmesü adokdakja ozüng alema mapa inyaka arur. Ajisüaka, iba jagi CBI obendanger temulung ila maküm aser küm 20 tepuokdak ayutsü temerenshi nükjidong nung amshitsü tenzük. Iba tamaitsü noksa ya Centre aser Naga telungpurtem tsüngda yimjung bener arutsü atema amshi aser iba küm election nung toktepdang menden 12 nung takok angu, ta Achumbemo-isa September 6, 1964 nü India sorkar aser Naga telungpur teloktem tsüngda cease fire tenangzüktep mezüngbuba agi aser iba jagi taoba regional party (DPN) züngsemtemi resign asü. Naga nunger taginüba atema bendanga agüja inyaktsü asoshi an tebong party adok. Tang tashi nung an tebong party indang nomenclature 9 ben tashi melenshiogo saka alizüng, Gurmeet Ram Rahim Singh agütsü. CBI-i iba ken o atema kanga junga mapa inyak aser Ram Rahim'er okatsürtemi tai aputsüsa onük ka dang maliasü. Tanü CBI obendangerji Rohtak jail-i tayimtsü ajanga aru aser pai telok anaprong nem minute terer agütsü. Iba ken o nung CBI-i Ram Rahim taküm piyong tepuokdak ayutsü atema asüngdang aser külen pa atema okatsürtemi pa arishi küm tain, temang aser lokti asoshi mapa inyakbatem nung ajemdaker tadok meshi. Dera Sacha Sauda tanishir Ram Rahim indang osang temai adoktsüba osangbener Ram Chander Chhatterpati'er jabaso Anshul Chhatrapati-i CBI okadaki temerenshi agütsüba nung temulung asür. Onoki mapang talangka nungi Ram Rahim Singh ji asen loktiliba nung tsükchir ka ta shiyonga arur ta osangbener dang (Maneni tapak 12 nung...) teinyaktsü, tangatetba aser party wako kasa dang lir ta Achumbemo-isa shisem. Rio-i aniba NPF teloki NPF Central Tir Dr Shürhozelie Liezietsu-i antebong party tentetba nung shilem kecha mali ta ashiba atema Achumbemo-isa ashiba agi, 'NPF lennir tejentibaji Dr Shürhozelie lir aser pai 1969 küm DPN candidate ka ama toktep.' 1998 küm Election Commission-i party (taoba Naga Peoples' Council) indang antebong maitsü sota ayu. Naga nungeri ashiba tashi angaa general election nung shilem magii mokdangba atema EC-i maitsüji sota ayutsüsa aküm. (Maneni tapak 12 nung...) 2 Ladybird School Mkg nung Shooting Range tenzükogo TIR YIMYIM, DIMAPUR TUESDAY AUGUST 29, 2017 NAGALAND TAPAK Mokokchung, August 28 (TYO): Mokokchung nung aliba Ladybird School nung 10- meter indoor shooting range ka tenzükogo; Nagaland Rifle Association Tir, Wb. Merang Jamir-i anir par külem medemertem densema Mokokchung Press Club Tir, Wb. Limalenden Longkumer-i iba kashishiba mapar en meraketa tenzüktsü. Osang tajung kaji; Nagaland nung shooting range facility agütsüba school rongnung Ladybird School ya mezüngbuba asütsü, ta angazüker. Limalenden-i tanü iba sentong nung jembidang, Ladybird School-i iba ama shooting facility agütsüba asoshi pelaba den iba ya amenokba ajanga tarutsü nung kashishir (shooters) tajung aika adoktsü imlar, ta Iba sentong nung Nagaland Rifle Association Tir, Merangia mapang tatsüka agia jembidang, Naga nungerji akhi nungi kashishiba nung kanga junger, aji oda, tesayuba shitak dang agütsüra asenoki tangar den saku tokteptettsü, ta Tanü asüng kashishiba saisapong nung ya tejangrar meyongbo ngujem tulu lir, aser Naga nungeri iba luyim nung ya junga otettsü lenmang sadema lir, ta paisa shisem. Iba shooting range lapokba den külemi August 28 nungi September 2, 2017 tashiji air rifle aser air pistol coaching camp den ano school tanurtem asoshi championship sentonga ka akatsü. Item sentong balalatemji kashishiba luyim nung mongintemi ketdangsüa aser anepalua agitsü. Alempang Baptist Arogo Pastor Rev.Temsu S-i iba shooting r ange tasenba meshiteta sarasademtsü. Kma nung LRD-i state level Watershed Conference ayonga agi August 28, 2017 nü Capital Convention Centre, Kohima nung state level Watershed Conference nung Roads & Bridges Minister, Dr. Neikiesalie Kire-i WDF lemtsüba noksa nung angur. Kohima, August 28 (TYO): PMKSY-WDC, Batch II tembanga Department of Land Resources-i August 28, 2017 nü Capital Convention Centre, Kohima nung State level Watershed Conference ayongzüka agiogo; iba sentong nung tongti tesemdangerji Roads & Bridges Minister, Dr. Integrated Neikiesalie Kire liasü aser tetushi tejaokerji Land Resources & Excise Parliamentary Secretary, B.S. Nganlang liasü. Official nüngdak kar nung mazüngba agi state Chief Minister, T. R. Zeliang iba sentong nung medentet, ajisüaka pa melen Dr. Neikiesalie Kire-i jembi. Minister-i, state nung chiyungtsü peria madokdaktsüateter, iba den külemi state nung nütsüng shilem 70 dak tema aluyimbaren nung sendaka liaka tangalen nungi ang chiyungtsü bener arur, ta Paisa, iba kuliji- kanga ajema züsentetba aser asenoki aluyimbaren nung scientific technology tem amshitsü arendakba ajanga lir, ta Aluyimertem ajungshitsü aser sen aazükba maparen balala inyaktsü atema taoba, mapang Watershed Management Programme ta ajaba PMKSY state nung benokogo, ta minister-isa Iba programme ajanga mapa mengui alir lanur aika nungita small scale entrepreneurship amenokogo aser sen aazükba tanga maparentem nung yarir, ta paisa Paisa department dang yimtsüngtem nung aliba nüburtem taküm jenjang ajungkettsütsü atema mapa tajungji maneni inyaktsü ayongzük. Parliamentary Secretary, B.S. Nganlang-ia, pai department nung mapang tatsüka inyaka arudang ketdangsertemi kanga nendaka inyakba reprangtetogo, ta Paisa Department-i takok ngua schemes balala inyakba aser iba sentong takok anguba atema tenüngsang agütsü. Kasa sentong nung Chief Secretary, Pankaj Kumar, IAS aser Watershed Committee Chairman, Yongam Village na densema aikati jembia liasü. Iba sentong ya Secretary, Land Resources, Y. Kikheto Sema, IAS leniba nung agi aser Rev. Belho-i sarasadem. Sentong nungsa Zhadima village aser Tseminyu village nungi ken tajung aten aser Additional Director, Land Resources, Renben Lotha-i tepela anküp o jembia liasü. PMKSY-WDC Batch-II takok ngua tembangba nüngtem nung Watershed Community-i inyaktetba indang 'LRD communique- A special edition' kaket ka dept-i sayaa liasü. Mkg ADC-i petrol pump tem dang sangdonger Mokokchung, August 28 (TYO): Nüburtem aser ainlen jajartemi atema bilemja ADC & Administrator, Mokokchung Municipal Council (MMC), W. Manpai Phom-i Mokokchung jila nung aliba petrol pump kiburtem dang anepdang 5:00 ako nungibosa petrol pump lapoktsü aser aonung 8:00 ako tashi lapoktsü metetdaktsüogo. Tang nungi tenzüka petrol pump kibur ajaki tuyuba amaji inyaktsüla, mesüra temerenshi alitsü, ta ketdangserisa KDLSA-i Legal awareness sentong agi Kohima, August 28 (TYO): August 27, 2017 nü Kohima District Legal Services Authority (KDLSA)-i City Church Kohima aser Ao Baptist Church Kohima AG fellowship nungi Sunday school tanurtem atema legal awareness sentong ayonga katsüogo. Iba awareness ji tanurtem atema child friendly legal service balala aser protection scheme 2015 indang awareness sentong liasü. Ao Baptist Church nung Panel Lawyer KDLSA, Wapangienla-i Child Labour Act 1986, JJ act 2000, Prohibition of Child Marriage Act 2006, R.T.E, Protection of Children from sexual offence act 2012 aser Cyber Crime onüktem nung jembia liasü. Iba sentong ya Panel Lawyer KDLSA, Yangpila Anar leniba nung agi. Ano City Church Kohima nunga Panel Lawyer KDLSA, Apila Sangtam-i POCSO Act, 2012 aser JJ Act 2015 onük jembi, aser Panel Lawyer KDLSA, Nancy Lotha-i Cyber Crimes onük jembi. Sunday School Superintendent, Hekali-i KDLSA dang iba ama awareness sentong ayonga katsüba atema pelaba lemsatepa liasü. Tuensang nung special DPDB senden amen Dimapur, August 28 (TYO): August 28, 2017 nü DC's Conference Hall, Tuensang nung District Planning & Development Board temeja senden ka amen, aser iba senden nung züngsemtemi Teunsang district atema lemzüktsüba LADP fund aser schemes balala indang jembia liasü. Iba senden ya Deputy Commissioner aser Vice Chairman DPDB, Tuensang, L. Jamithung Lotha leniba nung amen, ta ketdangsertem osang ka ajanga Mokokchung nung NEPEx agitsü Mokokchung, August 28 (TYO): Nagaland nung tanga district tem den külemi Mokokchung district nunga August 30, 2017 nü Nagaland Emer gency Pr epar edness Exercise (NEPEx) agitsü, ta Hombar nü ketdangsertem osang ka ajanga metetdaktsü Iba dak sendakba nung Mokokchung DC, Sushil Kumar Patel, IAS-i August 25, 2017 nü ADC (Planning) Conference Hall nung senden ka ayonga menogo. Iba exercise ya menoknok ama alima lendong balala atema terenemshiba asadangtsü atema lir. Pr epar edness exer cise junga agitettsü atema August 29, nü rehearsal ka agitsü. DC-isa jila nung aliba nüburtem dang iba execise agiba mapang nung maoksatsüla, kechiyong iba ya terenemshiba exercise ka dang lir, ta Hombarnep Mokokchung town kübok Artang ward nung alir Longsa nunger Wb. Marliba-i par ki anasa per (ngüm) tuluka tepseter sayuba noksa nung angur. Iba per-ji feet 10 shi talang liasü ta osang ka ajanga Mkg, Aug. 28, 2017. TIR YIMYIM, DIMAPUR TUESDAY AUGUST 29, 2017 REGIONAL 3 Bur telungpur parnok 300 bendanga agütsütsü imlar Guwahati, August 28 (Agencies) Assam kübok Hailakandi district nungi Bru nunger telungpur parnok 300 tashi bendanga agütsütsü imlar, ta Assam inspector-general of police Anurag Tankha-i Tankha-i ashiba agi, police aser Bur nunger telok ana; United Democratic Liberation Army (B) aser Bru Revolutionary Army Union, Mizoram den arrtsü nung aliba Hailakandi district nung August 26 nü senden ka kaa sensaksemogo aser parboki bendanga agütsütsü asoshi molungtepogo. Ita ana tsüngda nung telungpurtem tenüng aser prangbong injangtem indang osang tejangja agütsütsü, ta Tankha-i Parnok bendanga agütsütsüba anogo, tesem aser teyari balala agütsütsü alibatem telungpurtem tenüng list renemba sülen telemtetba agitsü aser iba atema mapang tatsükbo agitsü, ta paisa Telungpurtemi bendanga agütsüba nung tongtibangtiba takhangbaji, Hailakandi district nung Reang nunger bulua aliba yimtsüngtem nung terenlok bener arutsüba atema lir. Parnoki ashiba agi, iba tesem nung aliba tesemtem kanga dang leni mao aser nüburtem kanga tepetzük tia nung lir aser parnoki item yimtsüngtem nung terenlok bener arudaktsüner. Tankha-isa ashiba agi, parnok bendanga agütsütsüba ken o ya yaküm Guwahati nungi tenzüka jembiyonga arudar aser iba mapang nung Hailakandi superintendent of police Pranabjyoti Goswami-i dena shilem agi. Katlicherra MLA Sujam Uddin Laskar-i telok anaprongla nungi lenir Guwahati-i anir aru aser state cabinet ministers Rihon Daimary aser Pramil Rani Brahma na den ajurutep aser telangzüba tajung ka angu, ta Tanakha-isa shisem. Police aser civil administration ketdangsertem yashi mim senden ka ghonda ana shi kaaogo aser iba senden nung, Tankha, Goswami, deputy inspector-general Akhilesh Kumar Sinha, Cachar aser Karimganj SPs Rakesh Roushan aser Gaurav Upadhyay, 30 Assam Rifles officers Col S.D. Deshmukh, Major Jackson Jose, Col Jacob, Hailakandi deputy commissioner K.G. Bhuyan, additional deputy commissioner Amalendu Roy, Rajesh Chorki aser telungpurtem tenüng nung Dhanyaram Reang aser social workers Pitaram Reang aser Kiran Kumar Reang nunger aden. Bru telungpur tanga telok ka; United Democratic Liberation Front pur 2008 küm parnok 300 dak tali chief minister Tarun Gogoi matsüngdang Guwahati nung bendanga agütsü. Meghalaya MLA ana BJP nung denogo Rima Sharma'er kinunger nem sen teyari lakh 2 agütsütsü:cm Guwahati, August 28 (Agencies): Assam Chief Minister Sarbananda Sonowali Assam nung osang bener Rima Sharma'er kinunger nem sen lakh ana teyari agütsütsüba nangzükogo. Rima ya Honibar aonung Guwahati kübok Bhangagarh tesem nung gari lendong ka nung tsükseta asü. Asü khu lemsatepba den külemi, Sonowal-i asür Rima Sharma'er kinunger tem nem teyari sen lakh ana agütsütsüba nangzüka liasü. La ajungbena asüba ajanga Assam nung osangbenertem ajak aoksadaktsüogo. Asür Rima Sharma ya Assam nung local news channel tejentiba rongnung ka, Prag New nung cultural news presenter ka liasü. La Guwahati nung Honibar aonung tata gari kati tsükset. Rima ya GMCH nung Biman Kalita indang osang agir aruba mapang nung tia maka iba lendong ajuru. Biman yaa News Live nungi osangbener ka lir, shiba tanga tatalokba ka nung gotari agi yirutsüba sülen GMCH nung monga liasü. Police temi ashiba agi, la ABC, G.S Road nung TVS showroom anasa ayaterm 12:30 shi nung tata gari kati atsük. Iba tata gari ya Ganeshguri nungi Bhangagarh-i oya liasü. Police temi iba tesem nung CCTV camera ajanga tengutetba dak ajemdaker tata gari ya puogo aser iba gari ania liasü ta temolung melemi bilemba nisungba dena pua lir. Tripura tzümetsüng nung ki 4000 shi raksa Shillong, August 28 (Agencies): Meghalaya nung Jaintia Hills nungi independent MLA ana Hombarnü Bharatiya Janata Party (BJP) nung denogo aser iba ajanga 2018 küm election madong tsüngda BJP pur tashi tali akangshiogo. Meghalaya BJP unit sangdong ka ajanga ashiba agi, tang Jaintia Hills MLA teinyakdak ana Hombarnü New Delhi nung party den denogo. Tena ya Khliehriat nungi Independent MLA Justine Dkhar aser Mowkaiaw constituency nungi independent MLA Robinus Syngkon lir. Tena party nung adenba sentong ya National Headquarter, New Delhi nung aka aser iba sentong nung BJP National tir Amit Shahji, National General Secretary Ram Madhavji, Assam Finance Minister Himanta Biswa Sarmaji, State Prabhari Nalin Kohli aser State tir Shibun Lyngdoh aser State nungi lenirtem, Thomas Nongtdu aser Rollingson Dkhar nunger dena liasü. Lenir ana party nung adenba ajanga 2018 küm election nung Jaintia Hills nung dang masü saka state ajak nung kanga teyari agütsütsü, ta BJP State unit tatongtir JA Lyngdohi Maneni Lyngdoh-i ashiba agi, tanga state nung taoba general assembly election tem nung nüburtemi BJP sapuba nguogo aser kasaji Meghlaya nunga ataloktsü. Nüburtemi taruba election nung BJP ji dang parnok asoshi tim asütsü ta molungteteogo aser aji ataloktsü kechiyong asen Ato Kilonser indang slogan tongtibangtibaji 'Sabka Saath Sabka Vikas' lir, ta Lyngdohisa Kasa mapang nung iba senden nung Amlarem MLA Stephan Mukhim-i 'coordination of Coal Dealer's and Miner's Association' tenüng nung tezüluba nung takhangba ka Sixth Scheduled Presidential Notice 12 AB dak sendakba nung National BJP tir nem agütsüogo. Agartala, August 28 (Agencies): Tripura nung tawa tzümetsüng lendong nung district asem; West Tripura, Sepahijala aser Khowai nung ki 4,000 dak tema raksaogo. Kasa mapang nung tsünüsenpongtsü raksababo tang tashi asadanga mali. State Revenue Ketdangsertemi ashiba agi, tzümetsüng ajanga ki 4091 raksatsüogo aser item rongnungi ki 92 khenyongi raksaogo, 537 kanga mejungi raksaogo aser ki 3,472 terara raksar lir. West Tripura districts kong Tawang, August 28 (Agencies): BJP pur Northeast nung tali tashi iteshia Arunachal nung Lumla assembly constituency nung local MLA Jambey Tashi matsüngdang Honibarnü parnok 249 zün
We Need Your Support
Thank you for visiting our website and your interest in our free products and services. We are nonprofit website to share and download documents. To the running of this website, we need your help to support us.

Thanks to everyone for your continued support.

No, Thanks